Արգենտինացի ֆուտբոլիստի ընտանիքը մահացել է Վենեսուելայի երկրաշարժի հետևանքով

Բաժանորդագրվել

38-ամյա Տրեխոն այս տարվա փետրվարից է հանդես գալիս վենեսուելական «Մարիտիմոյում»:

ԵՐԵՎԱՆ, 28 հունիսի — Sputnik. Վենեսուելայի «Մարիտիմոյի» արգենտինացի ֆուտբոլիստ Լուկաս Տրեխոյի ընտանիքի անդամներին մահացած են գտել երկրում տեղի ունեցած երկրաշարժից հետո: Այս մասին հայտնում է ակումբի պաշտոնական կայքը:

Տրեխոյի սիրելիի և երկու երեխաների մարմինները 74 ժամ որոնումներից հետո հայտնաբերվել են:

38-ամյա Տրեխոն այս տարվա փետրվարից հանդես է գալիս «Մարիտիմոյում»։

Վենեսուելայում հունիսի 25-ին երկու հզոր երկրաշարժ է տեղի ունեցել: ԱՄՆ Երկրաբանական ծառայության տվյալներով՝ առաջին երկրաշարժի մագնիտուդը կազմել է 7,2, երկրորդինը՝ 7,5: Դրանից հետո գրանցվել է ևս մոտ 30 հետցնցում։

Տարերային աղետը հանգեցրել է բնակելի տների և ենթակառուցվածքների օբյեկտների մասշտաբային ավերածությունների, բժշկական հաստատությունների վնասների, ինչպես նաև երկրի գլխավոր օդանավակայանի փակման: Վերջին տվյալներով՝ ողբերգության հետևանքով զոհվել է 1430 մարդ։
Վենեսուելայի երկրաշարժի գոտում փրկել են փլատակների տակ 70 ժամ մնացած երեխայի

Leave a comment