Միլանի «Սան Սիրո» մարզադաշտում կայացավ 25-րդ ձմեռային Օլիմպիական խաղերի բացման պաշտոնական արարողությունը: Խաղերի բացման արարողության մի հատված էլ տեղի ունեցավ Կորտինա Դ’Ամպեցո քաղաքում:
Պարային շոուի ընթացքում ներկայացվեցին Իտալիայի պատմության ամենակարկառուն դեմքերը, իսկ երաժշտական համարով հանդես եկեն իտալացի հայտնի երգիչ Անդրեա Բոչելին և համաշխարհային փոփ աստղ Մրայա Քերին:
Օլիմպիական խաղերի կրակը վառեցին լեռնադահուկորդներ Սոֆիա Գոջան, Ալբերտո Տոմբան, Դեբորա Կոմպանիոնին:
Մարզիկների շքերթին մասնակցեց նաև հայկական պատվիրակությունը, որտեղ Հայաստանի դրոշակակիրներն էին գեղասահորդներ Կարինա Ակոպովան և Նիկիտա Ռախմանինը։
Միջազգային օլիմպիական կոմիտեի նախագահ Քիրսթի Քովենթրիի ելույթից հետո Իտալիայի նախագահ Սերջիո Մատարելան ձմեռային Օլիմպիական խաղերը հայտարարեց բացված:
Ընդհանուր առմամբ, Խաղերին մասնակցում է շուրջ 2900 մարզիկ՝ ավելի քան 90 երկրից և տարածքից : 25-րդ ձմեռային Օլիմպիական խաղերը կտևեն մինչև փետրվարի 22-ը:
Իտալիան ձմեռային Օլիմպիական խաղերը հյուրընկալել է նաև 1956 և 2006 թվականներին:
Ձմեռային Օլիմպիական խաղերում Հայաստանը կներկայացնեն դահուկավազորդներ Միքայել Միքայելյանը, Կատյա Գալստյանը, լեռնադահուկորդ Հարություն Հարությունյանը, ինչպես նաև Կարինա Ակոպովա-Նիկիտա Ռախմանին գեղասահքի սպորտային զույգը: