Երևանի քաղաքապետարանում տեղի ունեցած ծեծկռտուքի գործով տուժող է ճանաչվել «Մայր Հայաստան» խմբակցության անդամ Սարգիս Տեր-Եսայանը։ Տեղեկությունը Sputnik Արմենիային հայտնեցին ՀՀ քննչական կոմիտեից։
Հունիսի 23-ին հայտնել էինք, որ Երևանի ավագանու նիստում ծեծկռտուք սկսվեց այն բանից հետո, երբ «Մայր Հայաստան» խմբակցության անդամները իշխող «Քաղաքացիական պայմանագիր» խմբակցությանը մեղադրեցին Հայաստանի խորհրդարանական ընտրություններում ձայներ գողանալու մեջ։ Հաջորդեցին փոխադարձ վիրավորանքները, հայհոյանքներն ու ծեծկռտուքը, որին նաև որոշ կին անդամներ էին մասնակցում։
Հունիսի 24-ին հայտնի դարձավ, որ միջադեպի վերաբերյալ ստացված հաղորդման առթիվ քրեական վարույթ է նախաձեռնվել ՀՀ քրեական օրենսգրքի 195–րդ հոդվածի 2–րդ մասի 5–րդ կետով (մի խումբ անձանց կողմից ֆիզիկական ներգործությունը):