https://arm.sputniknews.ru/20260625/pashinjany-vtang-chi-tesnum-adrbejani-ev-hhi-taratsqnervov-tarancik-interneti-pvokhancman-mej-103833500.html
Փաշինյանը վտանգ չի տեսնում Ադրբեջանի և ՀՀ–ի տարածքներով տարանցիկ ինտերնետի փոխանցման մեջ
Փաշինյանը վտանգ չի տեսնում Ադրբեջանի և ՀՀ–ի տարածքներով տարանցիկ ինտերնետի փոխանցման մեջ
Sputnik Արմենիա
ՀՀ վարչապետի համոզմամբ` ով նման բան է ասում, ուզում է, որ Հայաստանը լինի կոնֆլիկտի փակուղի։ 25.06.2026, Sputnik Արմենիա
2026-06-25T14:16+0400
2026-06-25T14:16+0400
2026-06-25T14:16+0400
հայաստան
նիկոլ փաշինյան
ինտերնետ
ադրբեջան
https://cdn.am.sputniknews.ru/img/07ea/06/19/103829831_0:0:2078:1169_1920x0_80_0_0_64fc86175289551f5b12f91974b93c9f.jpg.webp
ԵՐԵՎԱՆ, 25 հունիսի – Sputnik. ՀՀ վարչապետ Նիկոլ Փաշինյանը վտանգ չի տեսնում Ադրբեջանի և Հայաստանի տարածքներով տարանցիկ ինտերնետի փոխանցման մեջ։ Նա այդ մասին ասաց ՀՀ կառավարության նիստից հետո` պատասխանելով լրագրողների հարցինՀունիսի 22-ին հայտնի դարձավ, որ «Տելեկոմ Արմենիա» (Team Telecom Armenia) և «AzerTelecom» ընկերություններն ինտերնետ տրաֆիկի տարանցման վերաբերյալ համաձայնագիր են ստորագրել, որով նախատեսվում է երկու երկրների տարածքներով տարանցիկ ինտերնետի փոխանցում և մատակարարում կոմերցիոն հիմունքներով։ Լրագրողներից մեկը խնդրեց մեկնաբանել այս համաձայնագիրը` նշելով, որ այդ լուրը տարատեսակ մեկնաբանությունների պատճառ դարձավ, օրինակ` Հայաստանը կախվածություն է ձեռք բերում, ադրբեջանցիները կարող են դիտարկել Հայաստանից գնացող տրաֆիկը։Նրա խոսքով` Հայաստանը խաղաղության խաչմերուկ է, և հյուսիսից հարավ, արևելքից արևմուտք ինչքան հնարավոր է շատ մալուխներ, խողովակներ, ճանապարհներ, երթուղիներ, օդային գծեր պետք է անցնեն, քանի որ դա է խաղաղության և անվտանգության երաշխիքը։
ադրբեջան
2026
Լուրեր
am_HY
https://cdn.am.sputniknews.ru/img/07ea/06/19/103829831_260:0:1819:1169_1920x0_80_0_0_4d75b830379e4f3e5a204ceaad92b895.jpg.webp
հայաստան, նիկոլ փաշինյան, ինտերնետ, ադրբեջան
հայաստան, նիկոլ փաշինյան, ինտերնետ, ադրբեջան
ՀՀ վարչապետի համոզմամբ` ով նման բան է ասում, ուզում է, որ Հայաստանը լինի կոնֆլիկտի փակուղի։
ԵՐԵՎԱՆ, 25 հունիսի – Sputnik. ՀՀ վարչապետ Նիկոլ Փաշինյանը վտանգ չի տեսնում Ադրբեջանի և Հայաստանի տարածքներով տարանցիկ ինտերնետի փոխանցման մեջ։ Նա այդ մասին ասաց ՀՀ կառավարության նիստից հետո` պատասխանելով լրագրողների հարցին
Լրագրողներից մեկը խնդրեց մեկնաբանել այս համաձայնագիրը` նշելով, որ այդ լուրը տարատեսակ մեկնաբանությունների պատճառ դարձավ, օրինակ` Հայաստանը կախվածություն է ձեռք բերում, ադրբեջանցիները կարող են դիտարկել Հայաստանից գնացող տրաֆիկը։
«Ընդհանրապես զարմանալի է, քանի որ սովորաբար տրանզիտը ոչ թե տրանզիտի երկրին է կախվածության բերում, եթե նման բան կա, այլ տրանզիտի վերջնական կետին է կախվածություն բերում, և սա պարզ տրամաբանություն է, բայց եթե կախվածություն կա։ Մենք անընդհատ խոսում ենք, որ Հայաստանը պետք է տարանցիկ ուղի դառնա` ինչքան շատ բան անցնի Հայաստանով, այնքան ավելի մեր տնտեսական, քաղաքական կշիռը և անվտանգության մակարդակը մեծանում է։ Ով նման բան է ասում, ուզում է, որ Հայաստանը լինի կոնֆլիկտի փակուղի»,– հայտարարեց Փաշինյանը։
Նրա խոսքով` Հայաստանը խաղաղության խաչմերուկ է, և հյուսիսից հարավ, արևելքից արևմուտք ինչքան հնարավոր է շատ մալուխներ, խողովակներ, ճանապարհներ, երթուղիներ, օդային գծեր պետք է անցնեն, քանի որ դա է խաղաղության և անվտանգության երաշխիքը։