ԱՄՆ նախագահ Դոնալդ Թրամփը հայտարարել է, որ Իրանը ներկայումս պատրաստակամ է ընդունել իր պահանջները և գնալ փոխզիջումների։
«Իրանը հիմա շատ բարեհամբույր է։ Նրանք համաձայնում են այն ամենին, ինչ ես ցանկանում եմ, և ստիպված են դա անել։ Հակառակ դեպքում մենք պարզապես կվերադառնանք և կանենք այն, ինչ պետք է անենք»,-հայտարարել է ԱՄՆ նախագահ Դոնալդ Թրամփը։
Թրամփի հայտարարությունը հնչել է ԱՄՆ-Իրան հարաբերությունների շուրջ շարունակվող լարվածության ֆոնին։ Նա չի մանրամասնել, թե կոնկրետ ինչ պահանջների մասին է խոսքը, սակայն ընդգծել է, որ Վաշինգտոնը պատրաստ է վճռական քայլերի, եթե Թեհրանը հրաժարվի համագործակցությունից։
Նրա խոսքերը հերթական անգամ վկայում են ԱՄՆ-ի կոշտ դիրքորոշման մասին Իրանի նկատմամբ և կարող են նոր արձագանքներ առաջացնել միջազգային քաղաքական շրջանակներում։