«Ապրելու երկիր» կուսակցության համահիմնադիր Մեսրոպ Առաքելյանի տելեգրամյան գրառումը
Ավետիք Չալաբյանի ձերբակալությունը մեր երկրում ընդդիմադիր գործիչների նկատմամբ իրականացվող քաղաքական հետապնդումների հերթական դրսևորումն է։
Այս իշխանությունները նույնիսկ չեն փորձում թաքցնել, որ դատական և իրավապահ համակարգերը վերածել են քաղաքական հաշվեհարդարի գործիքների՝ ընտրովի արդարադատություն կիրառելով ընդդիմադիր հայացքներ ունեցող գործիչների նկատմամբ։ Եվ Ավետիք Չալաբյանի ձերբակալությունը ևս տեղավորվում է հենց այս տրամաբանության մեջ։ Արդարադատությունը Հայաստանում կիրառվում է ոչ թե իրավական, այլ քաղաքական չափանիշներով։
Մեր երկրում քաղբանտարկյալների թիվն աննախադեպ մեծ է։ Եվ այն տպավորությունն ու ազդեցությունը, ինչին դրանով փորձում է հասնել Նիկոլի իշխանությունը երկրի ներսում, միջազգային հարթակներում և Փաշինյանին սատարող Եվրոպայում պետք է դառնա լուրջ քննարկման առարկա։
Նման վարքագիծն աղերս անգամ չունի ժողովրդավարության հետ և չի կարող ծառայել պետության և պետականության ամրապնդմանը։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: