Ադրբեջանի արտգործնախարարությունից APA-ին հայտնել են, որ Ռուսաստանի դեսպանի հետ հանդիպման ժամանակ խիստ բողոք է արտահայտվել Պետդումայի ԱՊՀ հարցերով, եվրասիական ինտեգրման և հայրենակիցների հետ կապերի կոմիտեի առաջին փոխնախագահ, իշխող «Եդինայա Ռոսիա» կուսակցության անդամ Կոնստանտին Զատուլինի փետրվարի 5-ի հայտարարության վերաբերյալ՝ հայ գերիների դատավճիռների մասին։
Ռուսաստանի Պետական Դումայի ԱՊՀ հարցերով, եվրասիական ինտեգրման և հայրենակիցների հետ հարաբերությունների հանձնաժողովի փոխնախագահ Կոնստանտին Զատուլինն ավելի վաղ ասել էր.
«Այսպես կոչված Բաքվի արդարադատության համակարգի մեղադրական եզրակացության նյութերը՝ լի են «անջատողականության», «անօրինական զինված դիմադրության» և Ադրբեջանի օրենքների խախտումների մասին ճռռան արտահայտություններով, այն դեպքում, երբ մեղադրյալները երբեք Ադրբեջանի քաղաքացիներ չեն եղել։ 1994 թվականին ակտիվ ռազմական գործողությունների ավարտից հետո քառորդ դար շարունակ Ադրբեջանի իշխանությունները, որոնք հանդիպում էին այժմ դատապարտվածներին Մինսկի խմբի, ՄԱԿ-ի և այլ միջազգային կազմակերպությունների հովանու ներքո անցկացվող հակամարտության կարգավորման բանակցային ֆորումներում, անգամ դատարանի նախօրեին, Արցախի Հանրապետության (ԼՂՀ) բոլոր գերի վերցրած առաջնորդներին անվանում էին հանցագործներ՝ մեղադրելով բոլոր մահացու մեղքերի համար։
Փաստորեն, Բաքուն այսօր դատապարտեց Լեռնային Ղարաբաղի հայ բնակչության ինքնորոշման իրավունքը, որը դրսևորվեց Խորհրդային Միության փլուզման ժամանակ։ Դա բռնություն էր, դատաստան, ոչ թե դատավարություն։ Եվ տեղի ունեցածի համատեքստում նույնիսկ աշխարհի ամենաանհասկացողները պետք է հասկանան, թե ինչու է յուրաքանչյուր հայ ստիպված եղել լքել իր հողը, տները, գերեզմանատները և եկեղեցիները օկուպացված Լեռնային Ղարաբաղում»։
News.am
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: