Ես եմ Արմեն Գրիգորյանին հանձնարարել, որպեսզի Ադրբեջանի իր գործընկերոջ հետ քննարկի՝ կա՞ արդյոք հանդիպման անհրաժեշտություն, թե՞ ոչ, լրագրողներին ասաց վարչապետ Նիկոլ Փաշինյանը՝ անդրադառնալով Գրիգորյան-Հաջիև հանդիպմանը։
«Ե՛վ Ադրբեջանի, և՛ Հայաստանի փորձագիտական շրջանակներում տեսնում էինք որոշակի միտումներ, որոնք կարող են սրել իրավիճակը, և մենք զբաղված ենք իրադրության կառավարմամբ։ Մենք ոչ մեկին ոչ մի բացատրություն չենք տվել»,-ասաց Փաշինյանը՝ պատասխանելով հարցին, թե պետականության տեսանկյունից արդյո՞ք նվաստացուցիչ չէ Ադրբեջանի հետ քննարկել Հայաստանի ներքաղաքական կյանքը։