Վաղարշապատի ավագանու 2025 թվականի արտահերթ ընտրությունների դիտարկման արդյունքները
«Անկախ դիտորդ» հասարակական դաշինքը ներկայացնում է 2025 թ. նոյեմբերի 16-ին կայացած Վաղարշապատ համայնքի ավագանու ընտրությունների դիտարկման ամփոփիչ զեկույցը: Ուսումնասիրությունը ներառում է նախընտրական փուլը, քվեարկության օրվա դիտարկումները և հետընտրական զարգացումները:
Ընտրությունների անհրաժեշտությունն առաջացավ Վաղարշապատ համայնքի նախկին ղեկավարի հրաժարականից հետո, ինչի արդյունքում Վաղարշապատ ու Խոյ համայնքների միավորվեցին և հիմք ստեղծեցին օրենքի ուժով ընտրությունների նշանակման համար: Ընտրություններին մասնակցել է 8 քաղաքական ուժ (7 կուսակցություն և 1 դաշինք): Գրանցվել է ընտրողների 45.12% մասնակցություն, ինչը գրեթե կրկնակի գերազանցում է 2021թ. ցուցանիշը:
Քարոզարշավի դիտարկման ընթացքում ինչպես նաև քվեարկության օրը արձանագրվել են խախտումներ և չարաշահումներ, որոնք, չնայած էական ազդեցություն չեն ունեցել ընտրությունների վերջնական արդյունքների վրա, շարունակում են ընտրությունների որակի վատթարացման միտումը, և կարող են ստվերել ընտրությունների բարեվարքությունը՝ պատշաճ չհասցեագրվելու դեպքում։ «Անկախ դիտորդը» շեշտում է հավասար պայմանների ապահովումը, վարչական ռեսուրսի չարաշահման դեմ պայքարի կարևորությունը և ընտրողներին փաստացի կաշառման կամ քվեարկության վերահսկման անթույլատրելիությունը։
Զեկույցի ամբողջական տարբերակում ներկայացված են նաև առաջարկություններ՝ ուղղված Օրենսդրության կատարելագործմանը և ընտրական գործընթացների թափանցիկության ապահովմանը:
Անկախ դիտորդ հասարակական դաշինքը դիտորդական առաքելությունը իրականացրել է Հելսինկյան քաղաքացիական ասամբլեայի Վանաձորի գրասենյակ, Իրազեկ քաղաքացիների միավորում, Ուղղակի ժողովրդավարություն և Կանանց իրավունքների տուն հասարակական կազմակերպությունների կազմով։
Առաքելության իրականացման, լոգիստիկ ծախսերի փոխhատուցումն իրականացվել է The Sigrid Rausing Trust հիմնադրամի կողմից ՀՔԱ Վանաձորի գրասենյակին տրամադրած ֆինանսական աջակցության միջոցով։
ԶԵԿՈՒՅՑՆ ԱՄԲՈՂՋՈՒԹՅԱՄԲ՝ այստեղ:
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: