Անիմե կերպարների և պատկերների օգտագործումը թույլատրվում է միայն հեղինակային իրավունքի տիրոջ համաձայնությամբ։ Այս մասին հայտարարել է Ճապոնիայի տնտեսական անվտանգության նախարար Կիմի Օնադան՝ մեկնաբանելով ԱՄՆ նախագահ Դոնալդ Թրամփի տեսանյութը, որտեղ նա ներկայացված է որպես Նարուտո Ուզումակի՝ հայտնի «Naruto» անիմե սերիալի գլխավոր հերոսը։
Նախարարը հույս է հայտնել, որ նման դեպքեր այլևս չեն կրկնվի։
«Նույնիսկ եթե սա հեղինակային իրավունքի ակնհայտ խախտում չէ, ստեղծագործության օգտագործումը հեղինակային իրավունքի տիրոջ մտադրություններին հակառակ ձևով կարող է վնասել դրա հեղինակությանը», – հավելել է նա։
Թրամփը ավելի վաղ սոցիալական ցանցերում տեսանյութ էր հրապարակել, որտեղ իրեն պատկերել էր որպես Նարուտո Ուզումակի, ինչը քննադատության էր արժանացել անիմեի երկրպագուների կողմից։