Բաժանորդագրվեք araratnews-ի տելեգրամ ալիքին։
Ռուսաստանը պատրաստ է քննարկել իր մասնակցությունը «Թրամփի ուղի՝ հանուն միջազգային խաղաղության և բարգավաճման» (TRIPP) հայ-ամերիկյան նախագծին։
Այս մասին հայտարարել է Երևանում Ռուսաստանի դեսպան Սերգեյ Կոպիրկինը «России 24»-ին տված բացառիկ հարցազրույցում։
Դիվանագետի խոսքով՝ Ռուսաստանը ուշադիր հետևում է «Թրամփի երթուղի» նախաձեռնության շուրջ զարգացումներին, որի կոնկրետ գործնական մանրամասները նոր են սկսում ի հայտ գալ։
«Մենք պատրաստ ենք քննարկելու այս նախաձեռնությանը միանալու հնարավորությունը՝ հաշվի առնելով նաև Ռուսաստանի և Հայաստանի միջև առկա չափազանց սերտ համագործակցությունը Հայաստանի Հանրապետությունում երկաթուղային ոլորտի պահպանման և զարգացման գործում՝ կոնցեսիոն հիմունքներով», — ասել է Կոպիրկինը։