Կապանում գլխավոր հյուպատոսության բացման հարցով ՌԴ ԱԳՆ առաջապահ խմբի դիվանագետները մասնակցել են ՀՀ-ում ՌԴ ԱԴԾ Սահմանապահ վարչության Մեղրիի 127-րդ ջոկատի կազմավորման 71-րդ տարեդարձին նվիրված միջոցառումներին, հայտնում է ՀՀ-ում ՌԴ դեսպանությունը։
Խմբի ղեկավար Վ. Ա. Չերտիկովը Մեղրու սահմանապահ ջոկատի հրամանատարին է փոխանցել Ռուսաստանի դեսպան Ս. Պ. Կոպիրկինի շնորհավորական ուղերձը, որում ընդգծվել է սահմանապահների նշանակալի ներդրումը հանրապետության պետական սահմանների անվտանգության ապահովման գործում։
Ռուս զինծառայողներին ուղղվել են անկեղծ շնորհակալության խոսքեր՝ անբասիր ծառայության և պարտքին հավատարմության համար, ինչպես նաև բարեմաղթանքներ՝ քաջառողջության, բարեկեցության և խաղաղ երկնքի վերաբերյալ։
Ռուս դիվանագետները Մեղրու սահմանապահ ջոկատի անձնակազմի հետ միասին ծաղիկներ են խոնարհել սահմանապահ հերոսների հուշարձանի մոտ։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: