https://arm.sputniknews.ru/20260605/pvordzel-e-pakhchel-vraert-e-eghel-ngnn-erevanum-teghi-unecats-aghmkaharujc-depqi-masin-103081504.html
Փորձել է փախչել, վրաերթ է եղել. ՆԳՆ–ն` Երևանում տեղի ունեցած աղմկահարույց դեպքի մասին
Փորձել է փախչել, վրաերթ է եղել. ՆԳՆ–ն` Երևանում տեղի ունեցած աղմկահարույց դեպքի մասին
Sputnik Արմենիա
Տղամարդը ոստիկանությանը հայտնել է, որ որևէ քաղաքական ուժի չի հարում։ 05.06.2026, Sputnik Արմենիա
2026-06-05T18:15+0400
2026-06-05T18:15+0400
2026-06-05T18:16+0400
հայաստան
ներքին գործերի նախարարություն (նգն)
հհ ոստիկանություն
վրաերթ
ընդդիմություն
https://cdn.am.sputniknews.ru/img/07ea/06/05/103079283_0:0:1001:563_1920x0_80_0_0_27e73f5e0d578915631911c7620e41d0.jpg.webp
ԵՐԵՎԱՆ, 5 հունիսի – Sputnik. Երևանում ընդդիմադիրներին վրաերթի ենթարկած ավտոմեքենայի վարորդը հայտնել է, որ իրեն հարվածներ են հասցրել, ինքը փորձել է փախչել. ՆԳՆ ոստիկանությունը ներկայացրել է աղմկահարույց դեպքի մանրամասները։Երևանի ավագանու «Մայր Հայաստան» խմբակցության անդամ, ԲՀԿ ցուցակում ընդգրկված Սոնա Աղեկյանն ավելի վաղ հայտնել էր, որ ՔՊ–ականները մեքենայով սադրիչ են ուղարկել, որը վրաերթի է ենթարկել քարոզարշավի անդամներին և հեռացել։Ըստ ոստիկանության հաղորդագրության` հունիսի 5-ին՝ ժամը 15․40-ի սահմաններում, ՆԳՆ 112 օպերատիվ կառավարման կենտրոնն ահազանգ է ստացել, որ Երևանի Ներքին Չարբախ 7-րդ փողոցում վիճաբանություն է։ՆԳՆ 112 օպերատիվ կառավարման կենտրոնը ահազանգ է ստացել նաև բժշկական կենտրոններից մեկից։ Հայտնել են, որ վնասվածքներով իրենց մոտ բուժօգնության է տեղափոխվել մեկ անձ։Նշվում է, որ այժմ իրականացվում են ստուգողական գործողություններ։ Այս պահին ստացված հաղորդումները փոխանցվում են նախաքննական մարմին։
2026
Լուրեր
am_HY
https://cdn.am.sputniknews.ru/img/07ea/06/05/103079283_0:0:1001:751_1920x0_80_0_0_c8c0e5335c79cd880d178532f10f4bb3.jpg.webp
հայաստան, ներքին գործերի նախարարություն (նգն), հհ ոստիկանություն, վրաերթ, ընդդիմություն, видео
հայաստան, ներքին գործերի նախարարություն (նգն), հհ ոստիկանություն, վրաերթ, ընդդիմություն, видео
Տղամարդը ոստիկանությանը հայտնել է, որ որևէ քաղաքական ուժի չի հարում։
Ըստ ոստիկանության հաղորդագրության` հունիսի 5-ին՝ ժամը 15․40-ի սահմաններում, ՆԳՆ 112 օպերատիվ կառավարման կենտրոնն ահազանգ է ստացել, որ Երևանի Ներքին Չարբախ 7-րդ փողոցում վիճաբանություն է։
«Ահազանգից կարճ ժամանակ անց համայնքային ոստիկանության Շենգավիթի բաժնում մի տղամարդ հաղորդում է տվել, որ իրեն են մոտեցել քաղաքական ուժերից մեկի աջակիցները, առաջարկել նախընտրական ծրագրի բուկլետ, նա հրաժարվել է վերցնել, ինչից հետո սկսվել է վիճաբանություն, և նրան հարվածներ են հասցրել։ Նա մեքենայով փորձել է դիմել փախուստի, ինչի ընթացքում վրաերթ է տեղի ունեցել։ Համայնքային ոստիկանության բաժնում տղամարդը հայտնել է նաև, որ չի հարում որևէ քաղաքական ուժի»,–նշված է հաղորդագրության մեջ։
ՆԳՆ 112 օպերատիվ կառավարման կենտրոնը ահազանգ է ստացել նաև բժշկական կենտրոններից մեկից։ Հայտնել են, որ վնասվածքներով իրենց մոտ բուժօգնության է տեղափոխվել մեկ անձ։
Նշվում է, որ այժմ իրականացվում են ստուգողական գործողություններ։ Այս պահին ստացված հաղորդումները փոխանցվում են նախաքննական մարմին։