Կառավարությունը կփոխհատուցի թարմ պտուղ-բանջարեղենի և ծաղիկների արտահանումից տուժած տնտեսվարողներին
Բաժանորդագրվեք Zarkerak.am-ի տելեգրամ ալիքին։
Այսօր կառավարությունը հաստատտեց Հայաստանի Հանրապետության տարածքից ջերմատնային արտադրության թարմ պտուղբանջարեղենի և ծաղիկների արտահանման աջակցության միջոցառումը հաստատելու մասին նախագիծը։ Էկոնոմիկայի նախարարի տեղակալ Արման Խոջոյանը ներկայացրեց, որ արտահանվող հիմնական ապրանքային խմբերի նկատմամբ սահմանվում է փոխհատուցում:
«Էկոնոմիկայի նախարարության շարունակական նպատակն է շուկաների դիվերսիֆիկացումը՝ մեկ շուկայից կախվածության նվազեցումը և հայկական ապրանքների դիրքավորումը համաշխարհային շուկայում: Այս համատեքստում անհրաժեշտություն է առաջանում աջակցել տնտեսվարողներին դիվերսիֆիկացնել շուկաները և ձևավորել մատակարարման նոր շղթաներ»,-ասաց նա:
Անդրադառնալով է արտահանված ծավալի համար փոխհատուցմանը Խոջոյանը նշեց, դրանց սահմանաչափը՝ ելակի յուրաքանչյուր 1կգ-ի համար 770 դրամ է, լոլիկի յուրաքանչյուր 1կգ համար՝ 275 դրամ, պղպեղինը՝ 400 դրամ և ծաղկի յուրաքանչյուր 1 հատի համար՝ 37 դրամ:
«Այս ծրագրից կարող են օգտվել ՀՀ ռեզիդենտ համարվող իրավաբանական անձինք, անհատ ձեռնարկատերերը կամ ֆիզիկական անձիք, որոնք ՀՀ տարածքից 2026թ. հունիսի 1-ից մինչև հուլիսի 1-ը իրականացրել են արտադրանքի արտահանում»,- հավելեց նախարարի տեղակալը:
Նրա խոսքով՝ նշված ապրանքների արտահանումն իրականացնելուց հետո փոխհատուցման ստացման նպատակով տնտեսվարող սուբյեկտը դիմում է Էկոնոմիկային նախարարություն՝ ներկայացնելով ապրանքի տարածման հայտարարագրերը կամ արտահանման ապրանքների հայտարարագրման պատճենը:
Ըստ Արման Խոջոյանի՝ արտահանման դինամիկայի վերլուծությունը ցույց է տալիս, որ հունիս ամսվա ընթացքում կարտահանվի ավելի քան 4250 տոննա բանջարեղեն և ելակ,ինչպես նաև շուրջ 10 միլիոն հատ ծաղիկ:
«Ջերմատնային տնտեսությունը այսօր հագեցած է առաջադեմ ամենաբարձր հագեցվածություն ունեցող տեխնոլոգիաներով և իրենց մոտ գերակշիռ մասում ներդրված է Global GAP սերտիֆիկացման համակարգեր»,-նշեց նա: