https://arm.sputniknews.ru/20260603/kanepvov-qufta-dzkvov-tvolma-avandakan-khagher-hh-mshakutajin-zharangutjan-canky-hamalrvel-e-102962101.html
Կանեփով քուֆթա, ձկով տոլմա, ավանդական խաղեր. ՀՀ մշակութային ժառանգության ցանկը համալրվել է
Կանեփով քուֆթա, ձկով տոլմա, ավանդական խաղեր. ՀՀ մշակութային ժառանգության ցանկը համալրվել է
Sputnik Արմենիա
Այժմ ՀՀ ոչ նյութական մշակութային ժառանգության արժեքներն 80–ն են։ 03.06.2026, Sputnik Արմենիա
2026-06-03T16:53+0400
2026-06-03T16:53+0400
2026-06-03T17:02+0400
հայաստան
տոլմա
երգ
խաղ
https://cdn.am.sputniknews.ru/img/07e6/0c/1b/53183241_0:53:1600:953_1920x0_80_0_0_b4e62ccff3cf54d0c0d39b028c1f75b2.jpg.webp
ԵՐԵՎԱՆ, 3 հունիսի – Sputnik. Հայաստանի ոչ նյութական մշակութային ժառանգության արժեքների ցանկը համալրվել է 12–ով։ Տեղեկությունը հայտնում է ՀՀ կրթության, գիտության, մշակույթի և սպորտի նախարարությունը։Գերատեսչությունն այս որոշումը ոչ նյութական մշակութային ժառանգության պահպանման ու ճանաչելիության բարձրացման ուղղությամբ կարևոր քայլ է որակել ու նշել, որ ավելացված արժեքները հայկական մշակույթի կենսունակությունն ու բազմազանությունն են արտահայտում։Նոր հաստատված տարրերը ներառում են ժողովրդական գիտելիքներ, տարածաշրջանային խոհանոցի յուրահատուկ ուտեստներ, ավանդական խաղեր ու երգեր։Ժողովրդական գիտելիքներ և երգարվեստ. «Լուսատուների հետ կապված եղանակի կանխատեսման ժողովրդական գիտելիքներ», «Օրորոցային երգերը ՀՀ Շիրակի մարզի համայնքներում» և «Թաք ծաղկեցավ» երգը։Խոհարարական և արհեստագործական ավանդույթներ. «Գաթանախշի պատրաստման և կիրառման ավանդույթը», «Խաբ ու խազ (կաթփոխ)», «Թմբուկի (դհոլ, գոս՝ մեծ թմբուկ) պատրաստման և կիրառման ավանդույթը»։Տեղական ավանդական ուտեստներ. «Կանեփով քուֆթայի պատրաստումը և կիրառումը Մարտունի համայնքում», «Ձկով տոլմայի պատրաստումը Սևան համայնքում» և «Չորթնե տոլմայի պատրաստումը Վարդենիսի համայնքներում»։Ծեսեր և ավանդական խաղեր. «Համայնքային փոխօգնության ձևերը Գավառի թաղման ծեսում», «Որսորդներ ու բադեր» գնդակախաղն ու «Չիլինկի փետ» ավանդական խաղը Ճամբարակ համայնքում։ԿԳՄՍ նախարարությունը հավելել է, որ այս նախաձեռնությունը հիմնված է կառավարության` դեռևս 2010 թվականին ընդունած համապատասխան որոշման վրա և բխում է Մշակույթի պահպանության ու զարգացման 2023–2027 թվականների պետական ռազմավարությունից։
2026
Լուրեր
am_HY
https://cdn.am.sputniknews.ru/img/07e6/0c/1b/53183241_138:0:1562:1068_1920x0_80_0_0_5646662231d30927510b542abe630f57.jpg.webp
հայաստան, տոլմա, երգ, խաղ
հայաստան, տոլմա, երգ, խաղ
Այժմ ՀՀ ոչ նյութական մշակութային ժառանգության արժեքներն 80–ն են։
Գերատեսչությունն այս որոշումը ոչ նյութական մշակութային ժառանգության պահպանման ու ճանաչելիության բարձրացման ուղղությամբ կարևոր քայլ է որակել ու նշել, որ ավելացված արժեքները հայկական մշակույթի կենսունակությունն ու բազմազանությունն են արտահայտում։
«Ներկա որոշմամբ ոչ նյութական մշակութային ժառանգության արժեքների ցանկը համալրվել է 12 նոր արժեքով՝ ընդհանուր թիվը հասցնելով 80-ի»,– ասված է հաղորդագրությունում։
Նոր հաստատված տարրերը ներառում են ժողովրդական գիտելիքներ, տարածաշրջանային խոհանոցի յուրահատուկ ուտեստներ, ավանդական խաղեր ու երգեր։
Ժողովրդական գիտելիքներ և երգարվեստ. «Լուսատուների հետ կապված եղանակի կանխատեսման ժողովրդական գիտելիքներ», «Օրորոցային երգերը ՀՀ Շիրակի մարզի համայնքներում» և «Թաք ծաղկեցավ» երգը։
Խոհարարական և արհեստագործական ավանդույթներ. «Գաթանախշի պատրաստման և կիրառման ավանդույթը», «Խաբ ու խազ (կաթփոխ)», «Թմբուկի (դհոլ, գոս՝ մեծ թմբուկ) պատրաստման և կիրառման ավանդույթը»։
Տեղական ավանդական ուտեստներ. «Կանեփով քուֆթայի պատրաստումը և կիրառումը Մարտունի համայնքում», «Ձկով տոլմայի պատրաստումը Սևան համայնքում» և «Չորթնե տոլմայի պատրաստումը Վարդենիսի համայնքներում»։
Ծեսեր և ավանդական խաղեր. «Համայնքային փոխօգնության ձևերը Գավառի թաղման ծեսում», «Որսորդներ ու բադեր» գնդակախաղն ու «Չիլինկի փետ» ավանդական խաղը Ճամբարակ համայնքում։
ԿԳՄՍ նախարարությունը հավելել է, որ այս նախաձեռնությունը հիմնված է կառավարության` դեռևս 2010 թվականին ընդունած համապատասխան որոշման վրա և բխում է Մշակույթի պահպանության ու զարգացման 2023–2027 թվականների պետական ռազմավարությունից։