Այսօր երեկոյան Երևանի Էրեբունի Մոլլ առևտրի կենտրոնի հարակից տարածքում քաղաքացիները նկատել են բարձրացող ծուխ, ինչն անհանգստություն է առաջացրել անցորդների շրջանում։
ՆԳՆ Փրկարար ծառայությունից հայտնեցին, որ հրդեհ է բռնկվել ավտոմեքենայում։ Դեպքի վայր են մեկնել հրշեջ-փրկարարները, որոնք արագորեն իրականացրել են հրդեհաշիջման աշխատանքները։
Գերատեսչությունից տեղեկացրին, որ հրդեհն արդեն մարվել է։
Տուժածների վերաբերյալ այս պահին տեղեկություններ չեն հաղորդվում։