Եվրոպացի ֆերմերները թույլ չեն տա ոտնահարել իրենց շահերը․ Քոչարյանը՝ ԵՄ արտահանման մասին

Եվրոպացի ֆերմերները թույլ չեն տա ոտնահարել իրենց շահերը․ Քոչարյանը՝ ԵՄ արտահանման մասին

Եվրոպացի ֆերմերները թույլ չեն տա ոտնահարել իրենց շահերը․ Քոչարյանը՝ ԵՄ արտահանման մասին

Sputnik Արմենիա

ՀՀ 2-րդ նախագահը վստահ է, որ ֆերմերների վնասները փոխհատուցելու մասին հայտարարությունները զուտ նախընտրական խոստումներ են, քանի որ վնասների նման ծավալը հնարավոր… 03.06.2026, Sputnik Արմենիա

2026-06-03T21:58+0400

2026-06-03T21:58+0400

2026-06-03T22:28+0400

հայաստան

ռոբերտ քոչարյան

նիկոլ փաշինյան

եվրոպա

ռուսաստան

https://cdn.am.sputniknews.ru/img/07e9/0c/06/96608550_0:0:1200:675_1920x0_80_0_0_54c78888c118ab6e48fd34c3571fb3a6.jpg.webp

ԵՐԵՎԱՆ, 3 հունիսի – Sputnik. Այն, ինչ այսօր ՀՀ վարչապետ Նիկոլ Փաշինյանն անում է, միտված է Ռուսաստանի հետ հակասություններն է՛լ ավելի լարելուն, էսկալացիա առաջացնելուն։ Այսօր «Արմենիա» հեռուստաընկերության եթերում այս հայտարարությունն արեց ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը՝ պատասխանելով այն հարցին, թե որքանով է հնարավոր, որ Հայաստանը սկսի արտահանումներ իրականացնել դեպի ԵՄ։Երեկ Գեղարքունիքի մարզում նախընտրական հանդիպումների ժամանակ Փաշինյանը հայտարարեց, թե բիզնես պատվիրակություններ են գործուղվել բանակցությունների, Հայաստանի արտահանման առաջին խմբաքանակը ճանապարհին է (չնշեց, թե որ ուղղությամբ), նաև խոստացավ, որ կառավարությունն աջակցություն կտրամադրի այն ֆերմերներին, որոնց արտադրանքի արտահանումն անարդարացիորեն սահմանափակվել է։ Այսօր հայտնի դարձավ, որ Փաշինյանը հեռախոսազրույց է ունենալու Եվրահանձնաժողովի նախագահ Ուրսուլա ֆոն դեր Լյայենի հետ՝ քննարկելու Եվրամիության աջակցությունը Հայաստանին՝ Ռուսաստանի կողմից կիրառվող տնտեսական սահմանափակումների ֆոնին։Նա վստահ է, որ սա պարզապես նախընտրական հնարք է՝ քաղաքացիներին ցույց տալու, թե հարցերը կկարգավորվեն, սակայն վստահ է՝ չի ստացվելու, որովհետև խնդիրները լուրջ են և խորը։Անդրադառնալով կառավարության հայտարարած աջակցության ծրագրին՝ Քոչարյանն ընդգծեց՝ այդ ծավալը հնարավոր չի փոխհատուցել։«Եթե որևէ մեկը մտածում է՝ հնարավոր է գյուղատնտեսությունը փակել ու ամբողջ ծավալով կոմպենսացնել, ուրեմն այդ մարդն ընդհանրապես չի պատկերացնում խնդրի ծավալն ու խորությունը»,- նշեց Քոչարյանը։Նրա խոսքով՝ Հայաստանն արեց ամեն ինչ ԵՄ-Ռուսաստան հակասությունների բախման կենտրոնում հայտնվելու համար։ ՀՀ երկրորդ նախագահը շեշտեց` յուրաքանչյուր մեծ պետությունն իհարկե ունի աշխարհաքաղաքական իր շահերը, հատկապես, երբ խոսքն իր սահմանների երկայնքի մասին է։ Վստահ է, որ Ռուսաստանն էլ այստեղ շահեր։Ըստ նրա՝ Հայաստանը պետք է կարողանա այնպիսի հավասարակաշռված քաղաքականություն վարի, որ և՛ չփչացնի հարաբերությունները Ռուսաստանի հետ, և՛ փորձի լավ, դինամիկ, արդյունավետ հարաբերություններ ունենալ ԵՄ-ի հետ։Հիշեցնենք` Ռոսսելխոզնադզորը մայիսի 30-ից սահմանափակել է Հայաստանից պտուղ-բանջարեղենի ներկրումը, մայիսի 22-ից` ծաղիկների ներկրումը։ՌԴ տնտեսական զարգացման նախարար Մաքսիմ Ռեշետնիկովը հայտարարեց, որ Հայաստանից պտուղ–բանջարեղենի ներկրման սահմանափակումը ՌԴ–ի գնաճի վրա ազդեցություն չի ունենա։ Նրա խոսքով` Ռուսաստանն իր սպառման հիմնական ծավալը բավարարում է սեփական արտադրության հաշվին, ինչպես նաև իր շուկաներում մատակարարների բավականին դիվերսիֆիկացված կառուցվածք ունի։Մայիսի 9-ին Ռուսաստանի նախագահ Վլադիմիր Պուտինն ասուլիսի ժամանակ ասաց՝ կարծում է, որ թե՛ ՀՀ քաղաքացիների, թե՛ Մոսկվայի՝ գլխավոր տնտեսական գործընկերոջ հանդեպ ճիշտ կլիներ, որ պաշտոնական Երևանը հնարավորինս արագ կողմնորոշվեր ԵՄ-ին անդամակցելու հարցում։Փաշինյանը մայիսի 11-ին հայտարարեց, որ Հայաստանը մնում է ԵԱՏՄ լիարժեք անդամ, իսկ այդ հարցով հանրաքվեի անցկացումը հնարավոր է միայն «օբյեկտիվ անհրաժեշտության» դեպքում: Դրանից հետո ՌԴ փոխվարչապետ Ալեքսեյ Օվերչուկը հայտարարեց, որ Հայաստանում ինչ-որ աշխատանք է տարվում ԵՄ չափանիշներին անցնելու ուղղությամբ, և եթե ՀՀ–ն սկսի փոփոխություններ մտցնել տեխնիկական կանոնակարգերում, դա արդեն որոշակի սպառնալիքներ կստեղծի ԵԱՏՄ-ի համար:

եվրոպա