ՀՀ Արդարադատության ակադեմիայի կառավարման խորհրդի՝ 2026 թվականի մայիսի 22-ի որոշմամբ, ՀՀ Վճռաբեկ դատարանի աշխատակազմի իրավական փորձաքննությունների ծառայության գլխավոր մասնագետ, իրավաբանական գիտությունների թեկնածու, դոցենտ Տաթևիկ Հովհաննեսի Սուջյանն ընտրվել է ՀՀ Արդարադատության ակադեմիայի ռեկտորի պաշտոնում։
Տաթևիկ Սուջյանն ավելի քան 10 տարի աշխատել է ՀՀ Վճռաբեկ դատարանի աշխատակազմում՝ զբաղեցնելով դատավորի օգնականի, իրավական փորձաքննությունների ծառայության մասնագետի, ապա՝ գլխավոր մասնագետի պաշտոնները։
Պրակտիկ աշխատանքին զուգահեռ Տ․Սուջյանը զբաղվում է գիտամանկավարժական գործունեությամբ, դասավանդում է ԵՊՀ-ում, հեղինակ և համահեղինակ է 2 մենագրությունների, 2 դասագրքերի և մեկ տասնյակից ավելի գիտական հոդվածների։
Տ․Սուջյանը հանդիսացել է ՀՀ գլխավոր դատախազին առընթեր որակավորման հանձնաժողովի իրավաբան-գիտնական անդամ, ՀՀ քննչական կոմիտեի որակավորման հանձնաժողովի, ՀՀ դատավորների ընդհանուր ժողովի Դատավորների գործունեության գնահատման հանձնաժողովի անդամ է։
ՀՀ Վճռաբեկ դատարան
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: