Քաղաքականություն
27.05.2026 | 20:48
Թուրքիայում Չանաքքալեի ափերի մոտ առափնյա պահպանության ծառայության աշխատակիցները կալանել են մոտորանավակ, որը տեղափոխում էր անօրինական միգրանտների։ Նրանք փորձում էին Էգեյան ծովով հասնել Եվրոպա։ Ադրբեջանական լրատվամիջոցները հայտնում են, որ նավը հայտնաբերվել է Այվաջիքի շրջանին հարակից ջրերում ռադիոլոկացիոն համակարգի կողմից։ Առափյնա պահպանության ծառայության ստորաբաժանումները կանգնեցրել են նավակը։
Թուրքական իշխանությունների տվյալներով՝ նավակում եղել է 31 մարդ՝ Աֆղանստանի և Ադրբեջանի քաղաքացիներ։ Ձերբակալվածների թվում 9 անչափահասներ են։
Նշվում է, որ անհրաժեշտ ընթացակարգերը կատարելուց հետո միգրանտները հանձնվել են համապատասխան պետական մարմիններին։
Թարգմանությունը՝ Էմմա Չոբանյանի