Բաժանորդագրվեք araratnews-ի տելեգրամ ալիքին։
Ֆրանսիայի նախագահ Էմանուել Մակրոնի դիվանագիտական խորհրդական Էմանուել Բոնը մեկնել է Մոսկվա՝ հանդիպելու Ռուսաստանի նախագահի օգնական Յուրի Ուշակովի հետ՝ ըստ L’Express-ի և Reuters-ի։
L’Express-ի փոխանցմամբ՝ Բոնը, որը գլխավորում է Մակրոնի դիվանագիտական թիմը 2019 թվականից, այցելել է փետրվարի 3-ին։ Reuters-ի աղբյուրներից մեկը հայտնել է, որ Բոնը հանդիպել է Կրեմլի պաշտոնյաների հետ, մինչդեռ երկու այլ դիվանագիտական աղբյուրներ հայտնել են, որ նա բանակցություններ է վարել Ուշակովի հետ։
Reuters-ի փոխանցմամբ՝ Ֆրանսիայի նախագահի աշխատակազմը ո՛չ հաստատել է, ո՛չ էլ հերքել բանակցությունների մասին։
Կրեմլը ևս ո՛չ հաստատել է, ո՛չ էլ հերքել այս տեղեկությունները։