«Ուժեղ Հայաստան» դաշինքի ներկայացված՝ ծայրահեղ աղքատության վերացման ծրագիրը իրականացվելու է անձնական վստահելիության հաշվին. Նաիրի Սարգսյան «Ուժեղ Հայաստան» դաշինքը ներկայացնում է ծայրահեղ աղքատության վերացման ծրագիր՝ հիմնադրամ ստեղծելու եղանակով: Հիմնադրամն իրականում ստեղծվելու է անձնական վստահելիության հաշվին»։
Նշել է «Հայաստանը ես եմ» նախաձեռնության ղեկավար Նաիրի Սարգսյանը:
«Նույնիսկ մասնագիտական ու փորձագիտական շրջանակներում թերհավատություն կա, կարծիքների բախումներ կան, որովհետև մարդկանց թվում է, որ ստեղծվելու է պետական հիմնադրամ, բայց հիմնադրամն իրականում ստեղծվելու է անձնական վստահելիության հաշվին, այսինքն այդ գումարները պետական բյուջեից չեն գնալու, այդ գումարները գնալու են ընդամենը կոչով: Եկեք ես կոչ անեմ և Սամվել Կարապետյանը, տեսնենք՝ ում կոչին ավելի շատ կարձագանքեն: Բնական է՝ Սամվել Կարապետյանի», – նշել է Նաիրի Սարգսյանը։