Ողջունում ենք ԱՄՆ պետքարտուղար Մարկո Ռուբիոյի վաղը սպասվող այցը Հայաստան։ Սա կարևոր քաղաքական և ռազմավարական ազդակ է Հայաստանի ու ԱՄՆ-ի միջև գործընկերության խորացման ճանապարհին։
Հայաստանի անվտանգության, տնտեսական, տեխնոլոգիական և էներգետիկ զարգացման, ինչպես նաև տարածաշրջանում կայուն խաղաղության հաստատման համար ԱՄՆ-ի հետ ամուր և ինստիտուցիոնալ հարաբերությունները ունեն առանցքային նշանակություն։
Հանուն Հանրապետության կուսակցությունը տարիներ շարունակ հետևողականորեն աշխատել է Հայաստանի և ԱՄՆ-ի միջև ռազմավարական համագործակցության ամրապնդման ուղղությամբ՝ համոզված լինելով, որ Հայաստանի ինքնիշխանության, ժողովրդավարության և դիմադրողականության ուժեղացման կարևոր հենասյուներից մեկը հենց այս գործընկերությունն է։
Վստահ ենք՝ այս այցը նոր քաղաքական, տնտեսական և անվտանգային հնարավորություններ կբացի Հայաստանի համար և կուժեղացնի մեր պետության միջազգային սուբյեկտությունն ու կայունությունը։
Հանուն Հանրապետության
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: