Երեկ՝ մայիսի 24-ին, ավտովթար է տեղի ունեցել Շիրակի մարզում։ Ժամը 17։50-ի սահմաններում Գյումրի-Հացիկ ավտոճանապարհի 2-րդ կմ հատվածում բախվել են Շիրակի մարզի բնակիչ 29-ամյա Ռոբերտ Մ․-ի վարած «BMW» մակնիշի և Երևանի բնակիչ 32-ամյա Ռուբեն Մ․-ի վարած «Opel» մակնիշի ավտոմեքենաները, ինչի հետևանքով «BMW»-ն հայտնվել է կանաչ խոտածածկույթի վրա։
Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդները և «Opel»-ի ուղևոր՝ Երևանի բնակիչ 40-ամյա Արթուր Օ․-ն մարմնական վնասվածքներով տեղափոխվել են «Գյումրի» բժշկական կենտրոն։
Վթարի փաստով քննչական վարչությունում նախաձեռնվել է քրեական վարույթ։