Կիրակի օրվա դրությամբ Վաշինգտոնի և Թեհրանի միջև շրջանակային համաձայնագիրը 95%-ով հաստատվել է երկու կողմերի կողմից, հաղորդել է «Fox News»-ը՝ հղում անելով ԱՄՆ պաշտոնյայի։
Պաշտոնյայի խոսքով՝ Իրանը «սկզբունքորեն համաձայնել է շրջանակային համաձայնագրին, և մենք 95%-ով պատրաստ ենք»։
«Մենք համաձայնություն ունենք միջուկային զինանոցի և Հորմուզի նեղուցի վերաբերյալ, բայց քննարկում ենք ձևակերպումները», – ասել է պաշտոնյան։
Հեռուստաալիքի աղբյուրը նշել է, որ ԱՄՆ-ն կարող է վերսկսել ռազմական գործողությունները, եթե վերջնականապես համաձայնության չհասնեն։ «Մենք, անշուշտ, վատ գործարք չենք կնքելու։ Մենք ունենք տարբերակներ, և կարող ենք վերսկսել ռազմական հարվածները, եթե համաձայնության չհասնենք», – նշել է նա։
Ավելի վաղ ԱՄՆ նախագահ Դոնալդ Թրամփը հայտարարել էր, որ խնդրել է իր բանակցողներին չշտապել Իրանի հետ հուշագրի վերջնական մշակման հարցում։ «Ես խնդրել եմ իմ ներկայացուցիչներին չշտապել գործարքի հարցում, քանի որ ժամանակը մեր օգտին է», – գրել է նա «Truth Social» սոցիալական ցանցում։
Թրամփն ընդգծել է, որ Իրանի ծովային շրջափակումը կշարունակվի մինչև հուշագրի ստորագրումը, և որ Իրանը «պետք է հասկանա, որ երբեք չպետք է միջուկային զենք ձեռք բերի»։