ATP վարկանիշային դասակարգմամբ աշխարհի 15-րդ ռակետ, ռուսաստանաբնակ հայ թենիսիստ Կարեն Խաչանովը շարունակում է ոչ կայուն մրցելույթներ ունենալ միջազգային կորտերում։
Մասնավորապես, Համբուրգի հեղինակավոր մրցաշարում առաջին արգելքը հաղթահարելուց հետո Խաչանովը երկրորդ փուլում 2 ժամ 15 րոպեում 3։6, 6։3, 6։7 հաշվով պարտվել է ֆրանսիացի, աշխարհի 34-րդ ռակետ Ուգո Ումբերին։
Խաչանովը, այո, ունենում է հաջողված մրցաշարեր, սակայն, որպես կանոն, նա ավելի հաճախ պայքարից դուրս է մնում երկրորդ կամ երրորդ շրջանից։ Ընդ որում, թե հաղթանակները, թե պարտությունները նրան տրվում են ծանր ու դժվար պայքարում։
Աշոտ ՀԱԿՈԲՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: