Բայրամովն ու Գրինսպենը քննարկել են Ադրբեջանի և ՀՀ-ի միջև հարաբերությունների կարգավորման գործընթացը
Մայիսի 22-ին Ադրբեջանի արտաքին գործերի նախարար Ջեյհուն Բայրամովը հանդիպել է ՄԱԿ-ի Առևտրի և զարգացման համաժողովի (UNCTAD) գլխավոր քարտուղար Ռեբեկա Գրինսպենի հետ։
Արտգործնախարարության տվյալներով՝ հանդիպման ընթացքում քննարկվել են Ադրբեջանի և UNCTAD-ի միջև համագործակցության ներկա վիճակը և հեռանկարները։
Նախարար Բայրամովը, ընդգծելով Ադրբեջանի կողմից բազմակողմ համագործակցությանը տրվող կարևորությունը, հանդիպման մասնակիցներին ներկայացրել է տարածաշրջանային կապի, տրանսպորտային և լոգիստիկ հնարավորությունների, էներգետիկ անվտանգության և կլիմայական օրակարգի ոլորտում իր նախաձեռնությունները։
Հանդիպմանը քննարկվել են նաև Ադրբեջանի և Հայաստանի միջև հետհակամարտական շրջանում հարաբերությունների կարգավորման գործընթացը, ազատագրված տարածքներում վերակառուցման և շինարարական աշխատանքները, ինչպես նաև Մերձավոր Արևելքում տիրող իրավիճակը և առկա լարվածության ազդեցությունը համաշխարհային տնտեսության և առևտրի վրա։
Հանդիպման ընթացքում քննարկվել են նաև փոխադարձ հետաքրքրություն ներկայացնող այլ տարածաշրջանային և միջազգային հարցեր։