ՆԳՆ բարեփոխումների շրջանակում ձևավորվում է ժամանակակից կիբեռլաբորատորիա, որը միտված է կիբեռհանցագործությունների դեմ պայքարի արդյունավետության բարձրացմանը և ոստիկանության տեխնիկական կարողությունների զարգացմանը։ Այս մասին տեղեկացնում են ՆԳՆ-ից:
ՀՀ-ում ԱՄՆ դեսպանության հետ համագործակցության արդյունքում ՀՀ ՆԳՆ ոստիկանության քրեական ոստիկանության գլխավոր վարչության կիբեռհանցագործությունների դեմ պայքարի վարչությունը ստացել է ժամանակակից սարքավորումների և ծրագրային ապահովումների առաջին խմբաքանակը։
Ստացված տեխնիկական միջոցները նախատեսված են էլեկտրոնային տվյալների ուսումնասիրման, մշակման և վերլուծության համար և կնպաստեն վարչության կազմում ստեղծվող կիբեռլաբորատորիայի գործունեության ապահովմանը։
Նոր գործիքակազմը կբարձրացնի կիբեռհանցագործությունների բացահայտման և տեղեկատվական տեխնոլոգիաների կիրառմամբ իրականացվող այլ հանցատեսակների դեմ պայքարի արդյունավետությունը և կնպաստի հանրային անվտանգության ապահովման նոր մեխանիզմների ներդրմանը։
Դիտումների քանակ4