Ռոսսելխոզնադզորը մտադիր է ժամանակավորապես սահմանափակել ծաղիկների ներկրումը Հայաստանից։
ԵՐԵՎԱՆ, 21 մայիսի – Sputnik. Ռուսաստան արտահանվող ծաղկային արտադրանքի որակի վերահսկման հայաստանյան համակարգն այնքան էլ արդյունավետ չի գործում։ Այս մասին հայտարարել է Պլեխանովի անվան Ռուսաստանի տնտեսագիտական համալասարանի առևտրային քաղաքականության ամբիոնի դոցենտ Սվետլանա Իլյաշենկոն:
«Չի կարելի հաշվի չառնել այն, որ որոշ մատակարարներ կարող են տրամադրել, այսպես ասենք, բուսասանիտարական հավաստագրեր, որոնք շատ հաճախ չեն համապատասխանում իրականությանը։ Այս դեպքում ռուսաստանցի մասնագետները հաստատում են, որ ապրանքի մի մասն ուղեկցվում է ոչ թե լիարժեք հավաստագրերով, այլ միայն ապրանքատրանսպորտային բեռնագրերով, ինչը վկայում է բոլոր ընթացակարգերի խախտման մասին», – պարզաբանել է Իլյաշենկոն։
Նա նաև նշել է, որ հայաստանյան որոշ մատակարարներ կարող են ծաղկային արտադրանքի համար տրամադրել անվավեր բուսասանիտարական հավաստագրեր։