Իլոն Մասկի տիեզերական կայսրությունը՝ SpaceX-ը պատրաստվում է պատմական մուտքի ֆոնդային շուկա։ Ինչպես հայտնում է The Guardian-ը, SpaceX-ը կարող է Nasdaq բորսայում դեբյուտ անել արդեն հունիսի 12-ին:
Դեռ ապրիլին ընկերությունը գաղտնի հայտ էր ներկայացրել IPO անցկացնելու համար։ Փաստաթղթերն ուղարկվել էին կարգավորող մարմինների քննարկմանը։ Տեղաբաշխման շրջանակում SpaceX-ը նախատեսում է ներգրավել մինչև 80 միլիարդ դոլարի ներդրումներ։
Պարբերականը նշում է, որ կորպորացիան միլիարդավոր դոլարներ է ներդնում արհեստական բանականության ոլորտում։ 2025 թվականին SpaceX-ի կապիտալ ծախսերը գերազանցել են 2 միլիարդ դոլարը, իսկ հասույթը կազմել է 18.7 միլիարդ դոլար։ Միևնույն ժամանակ, 2026 թվականի առաջին երեք ամիսներին ընկերությունը կրել է ավելի քան 4.2 միլիարդ դոլարի վնաս։
Ինչպես ընդգծում է The Guardian-ը, սպասվող IPO-ն Մասկին կմոտեցնի տրիլիոնատիրոջ կարգավիճակին։ Այժմ, Forbes-ի հաշվարկներով՝ նրա կարողությունը գնահատվում է 807 միլիարդ դոլար։
Ավելի վաղ՝ մայիսի 18-ին, Bloomberg-ը, հղում անելով աղբյուրներին, հայտնել էր, որ Մասկը հայտարարել է SpaceX-ի առաջնային հրապարակային բաժնետոմսերի տեղաբաշխման նախապատրաստությունն արագացնելու մտադրության մասին։ Այդ ժամանակ նաև հայտնի էր դարձել, որ ընկերությունը կարող է IPO-ի փաստաթղթերը ներկայացնել առաջիկա օրերին, իսկ տեղաբաշխումն ինքնին խոստանում է դառնալ ֆոնդային շուկայի պատմության ամենախոշորներից մեկը։