Մոսկվան չի կարող ընդունել Երևանի պաշտոնական դիրքորոշումը ԵԱՏՄ անդամակցությունը պահպանելու վերաբերյալ, քանի դեռ չի հաջողվել անցում կատարել դեպի Եվրամիություն։ Այդ մասին լրագրողներին ասել է Ռուսաստանի արտաքին գործերի փոխնախարար Միխայիլ Գալուզինը։
«Նման մոտեցումները մեզ չեն կարող բավարարել, դրանք մեզ համար բացարձակապես անընդունելի են»,- Ռուսաստանի Անվտանգության խորհրդի հատուկ աշխատանքային խմբի նիստից հետո ասել է նա՝ հիշեցնելով, որ Հայաստանը ստորագրել է Եվրասիական տնտեսական միության մասին պայմանագիրը, ինչպես նաև ԵԱՏՄ հետագա զարգացման վերաբերյալ փաստաթղթերը մինչև 2030 թվականը և մինչև 2045 թվականը։