Իրանի շուրջ ստեղծված աշխարհաքաղաքական իրավիճակով պայմանավորված էներգետիկ ճգնաժամը և ավանդական վառելիքի գների աճը խթանում են էլեկտրամոբիլների ու հիբրիդային շարժիչով մեքենաների համաշխարհային պահանջարկը: Այս մասին հայտնում է Financial Times-ը՝ հղում անելով Միջազգային էներգետիկ գործակալության (ՄԷԳ) կանխատեսմանը։
ըստ կանխատեսման՝ 2026 թվականի արդյունքներով էլեկտրական և հիբրիդային ավտոմեքենաները կազմելու են համաշխարհային ավտոշուկայի մոտ 30%-ը։ Տարեկան վաճառքի ծավալը նախատեսվում է հասցնել 23 միլիոն միավորի՝ 2025 թվականի 20 միլիոնի դիմաց։
Գործոններ և տարածաշրջանային դինամիկա ՄԷԳ վերլուծաբանները պահանջարկի աճը բացատրում են երկու հիմնական պատճառով.
-
Մարտկոցների արտադրության ինքնարժեքի նվազում,
-
Ավանդական վառելիքի թանկացման ֆոնին շահագործման ծախսերը կրճատելու սպառողական ձգտում։
Աճի առավել բարձր տեմպեր են արձանագրվում Ասիական-խաղաղօվկիանոսյան տարածաշրջանում և Լատինական Ամերիկայում։ Եվրոպայում 2026 թվականին վաճառքների ծավալը կաճի մոտ 20%-ով՝ կազմելով ընդհանուր շուկայի մեկ երրորդը։
Արտադրական բևեռացում Չինաստանը շարունակում է պահպանել առաջատար դիրքերը՝ ապահովելով էլեկտրամոբիլների համաշխարհային արտադրության մոտ 75%-ը։ Չինական ներքին շուկայում գների անկման միտումը հանգեցնում է տեղական արտադրողների կողմից արտահանման ծավալների ակտիվ ընդլայնմանը, ինչը լրացուցիչ մրցակցային ճնշում է ստեղծում եվրոպական և ամերիկյան ավտոարտադրողների համար։