Rise Powered by Siliconn Mountains բարձր տեխնոլոգիական ցուցահանդեսը կանցկացվի հունիսի 3-4-ը Երևանում

ԵՐԵՎԱՆ, 19 մայիսի․/ԱՌԿԱ/․ Rise Powered by Siliconn Mountains երկօրյա բարձր տեխնոլոգիական ցուցահանդեսը կանցկացվի հունիսի 3-4-ը Երևանի Կարեն Դեմիրճյանի անվան մարզահամերգային համալիրում։

Այս մասին տեղեկանում ենք Silicon Mountains ֆորումի Facebook-ի էջից։

Հունիսի 3-ին անցկացվելու է RISE Forum-ը՝ երեք պանելային քննարկումներով՝ կիբեռանվտանգություն, պաշտպանական արդյունաբերություն և ինժեներական լուծումներ թեմաներով։

Ցուցահանդեսի շրջանակում ներկայացվելու են նաև հայկական ընկերությունների, հետազոտական կենտրոնների և ինժեներական թիմերի տեխնոլոգիական արտադրանքը, պաշտպանական համակարգերը:

Ցուցահանդեսի մասին

RISE Powered by Silicon Mountains 2026-ը կազմակերպվում է Տեղեկատվական և հաղորդակցական տեխնոլոգիաների գործատուների միության (UEICT) կողմից, որը հիմնադրվել է 2015 թվականին: Միությունը միավորում է ավելի քան 130 ընկերություն, որոնք աշխատանքի են վերցնում ավելի քան 30,000 մարդու:

RISE նշանակում է հետազոտություն, նորարարություն, գիտություն և ճարտարագիտություն: Silicon Mountains RISE-ը առաջին անգամ անցկացվում է 2026 թվականին՝ որպես Silicon Mountains գագաթնաժողովների շարքի գարնանային ընդլայնում: Միջոցառումը նվիրված է հայկական ընկերությունների, հետազոտական ​​կենտրոնների և թիմերի բարձր տեխնոլոգիական արտադրանքի, նորարարական լուծումների, գիտական ​​մշակումների և ճարտարագիտական ​​նախագծերի ներկայացմանը:

UEICT-ն ամենամյա Silicon Mountains Tech Summit-ը անցկացնում է 2019 թվականից: Ըստ ազմակերպիչների` այդ ժամանակվանից ի վեր միջոցառումներին մասնակցել է ավելի քան 100 խոսնակ և ավելի քան 6000 մասնակից: 2024 թվականին ֆորումն առաջին անգամ անցկացվել է Երևանից դուրս՝ Շիրակում, իսկ 2025 թվականին՝ Լոռու մարզի COAF SMART կենտրոնում: