ՔԿ-ն պնդում է, որ քրեական աստիճանակարգության բարձրագույն կարգավիճակ ունեցող անձը մի շարք մարդկանց հարկադրել է չընտրել ՔՊ-ին։
«Պարզվել է, որ քրեական աստիճանակարգության բարձրագույն կարգավիճակ ունեցող Ա.Դ.-ն սպառնալիքի, հարկադրանքի, սեռական հայհոյանքներով համակցված և անօրինական այլ գործողությունների միջոցով, քրեական ենթամշակույթ կրող խմբավորման անդամներին, այդ թվում՝ Կ.Ղ.-ին, հրահանգել և հարկադրել է 2026 թվականի հունիսի 7-ին կայանալիք ՀՀ ԱԺ ընտրություններում չընտրել «Քաղաքացիական պայմանագիր» կուսակցությանը և այդ նպատակով ընտրության գնալու հրահանգը բոլորին փոխանցել՝ այդ կերպ խոչընդոտելով այլ անձանց ընտրական իրավունքի ազատ իրականացումը»,- ասված է հաղորդագրությունում։
Ըստ ՔԿ-ի՝ Ա.Դ.-ի նկատմամբ հարուցվել է հանրային քրեական հետապնդում՝ քրեական աստիճանակարգության բարձրագույն կարգավիճակ տալու կամ ստանալու կամ պահպանելու, ինչպես նաև հանրաքվեին կամ ընտրությանը որևէ ձևով քվեարկելուն կամ հանրաքվեին կամ ընտրությանը մասնակցելուն կամ հանրաքվեին կամ ընտրությանը մասնակցելուց հրաժարվելուն կամ մեկից ավելի անգամ կամ այլ անձի փոխարեն քվեարկելուն հարկադրելու հոդվածներով։
Կ.Ղ.-ի նկատմամբ հանրային քրեական հետապնդում է հարուցվել քրեական ենթամշակույթ կրող խմբավորմանը մասնակցելու կամ ներգրավելու հոդվածով:
Ա.Դ.-ի նկատմամբ խափանման միջոց ընտրվել է կալանքը, հայտարարվել հետախուզում:
Քրեական վարույթի նախաքննությունը շարունակվում է: