Ֆուտբոլի Անգլիայի հավաքականի նախկին ավագ, MLS-ի չեմպիոն ամերիկյան «Ինտեր Մայամիի» համասեփականատեր Դևիդ Բեքհեմի և նրա կնոջ՝ Վիկտորիա Բեքհեմի կարողությունը գերազանցել է 1 միլիարդ ֆունտ ստերլինգը։
The Sunday Times Rich List-ի համաձայն՝ Բեքհեմների ընտանիքը երկրորդ տեղն է զբաղեցնում Մեծ Բրիտանիայի մարզաշխարհի ամենահարուստ մարդկանց ցուցակում։
Անգլիական «Մանչեսթեր Յունայթեդի», Մադրիդի «Ռեալի», իտալական «Միլանի» ու ֆրանսիական ՊՍԺ-ի նախկին ֆուտբոլիստը կարիերան ավարտելուց հետո կառուցել է մեծ բիզնես կայսրություն։ Նրա կարողությունն աճել է հովանավորչական պայմանագրերի և «Ինտեր Մայամի» ակումբում բաժնեմասի շնորհիվ։
Մեծ Բրիտանիայի մարզաշխարհի 10 ամենահարուստ մարդիկ
1․ Բերնի Էկլսթոուն (Ֆորմուլա-1-ի նախկին ղեկավար) – 2 միլիարդ ֆունտ ստերլինգ
2. Դևիդ և Վիկտորիա Բեքհեմ (ֆուտբոլ) – 1,185 միլիարդ ֆունտ ստերլինգ
3. Բարի և Էդի Հիրն (պրոմոութերներ) – 1,035 միլիարդ ֆունտ ստերլինգ
4. Բեն Ֆրենսիս (Gymshark ընկերության համահիմնադիր) – 800 միլիոն ֆունտ ստերլինգ
5. Լյուիս Հեմիլթոն (Ֆորմուլա-1) – 435 միլիոն ֆունտ ստերլինգ
6. Թոմ և Ֆիլ Բիհոն (Castore բրենդի հիմնադիրներ) – 350 միլիոն ֆունտ ստերլինգ
7. Ռորի Մակիլրոյ (գոլֆ) – 325 միլիոն ֆունտ ստերլինգ
8. Էնթոնի Ջոշուա (բռնցքամարտ) – 240 միլիոն ֆունտ ստերլինգ
9. Թայսոն Ֆյուրի (բռնցքամարտ) – 162 միլիոն ֆունտ ստերլինգ
10-11. Հարի Քեյն (ֆուտբոլ) – 110 միլիոն ֆունտ ստերլինգ
10-11. Էնդի Մարեյ (թենիս) – 110 միլիոն ֆունտ ստերլինգ