Բուլղարիայի Սամոկով քաղաքում անցկացված հունահռոմեական ըմբշամարտի Եվրոպայի Մ17 առաջնությունում այսօր Հայաստանի ըմբիշները ևս մեկական ոսկի, արծաթ և բրոնզ նվաճեցին։
71 կգ քաշային կարգում Ջանես Նազարյանը եզրափակչում 4։0 հաշվով պարտության մատնեց Վրաստանի ներկայացուցիչ Ռամազ Բասիլիային ու կանգնեց պատվո պատվանդանի հաղթողի աստիճանին։
Մեր թիմին արծաթե մեդալ բերեց 92 կգ քաշային Ալեքսան Շալջյանը, իսկ 45 կգ քաշային կարգում բրոնզե մեդալի արժանացավ Վազգեն Վարդանյանը։
Այսպիսով, Հայաստանի մինչև 17 տարեկան ըմբիշները Բուլղարիայում ընդհանուր առմամբ նվաճել են 2 ոսկի, 2 արծաթ և 3 բրոնզ։
Թիմային հաշվարկում Հայաստանը զբաղեցրեց 2-րդ հորիզոնականը՝ զիջելով միայն Ռուսաստանին և հետ թողնելով Ադրբեջանին։
Աշոտ ՀԱԿՈԲՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: