https://arm.sputniknews.ru/20260512/10-milivon-tsar-tnkelu-hh-ishkhanutjunneri-havaknvot-nakhagitsy-pvokharinvel-e-102062565.html
10 միլիոն ծառ տնկելու ՀՀ իշխանությունների հավակնոտ նախագիծը փոխարինվել է
10 միլիոն ծառ տնկելու ՀՀ իշխանությունների հավակնոտ նախագիծը փոխարինվել է
Sputnik Արմենիա
2019 թվականին մտահղացված ծառատունկն այդպես էլ տեղի չունեցավ։ 12.05.2026, Sputnik Արմենիա
2026-05-12T08:55+0400
2026-05-12T08:55+0400
2026-05-12T08:55+0400
ծառատունկ
հայաստան
տնկի
https://cdn.am.sputniknews.ru/img/07e7/04/08/57878146_0:117:1620:1028_1920x0_80_0_0_1f4880fd89bd30882c12ff3c55feb1ae.jpg.webp
ԵՐԵՎԱՆ, 12 մայիսի – Sputnik. 10 միլիոն ծառ տնկելու ՀՀ իշխանությունների հավակնոտ նախագիծը փաստացի փոխարինվել է. դրա փոխարեն իրականացվում է տնկիների ծրագիրը։Շրջակա միջավայրի նախարարությունից Sputnik Արմենիային հայտնել են, որ վերջին վեց տարվա ընթացքում հանրապետության ութ մարզերում տնկվել է գրեթե 6 միլիոն տնկի։ Այստեղ հստակեցրել են, որ դրանց տնկումը կապված չէ 2020 թվականի հոկտեմբերի 10-ին 10 միլիոն ծառ տնկելու լայնածավալ նախաձեռնության հետ։Նախարարությունից նշել են, որ 10 միլիոն ծառի տնկման ծրագիրը չի իրականացվել նախատեսված ձևաչափով՝ 44-օրյա պատերազմի և կորոնավիրուսային համավարակի պատճառով։Շրջակա միջավայրի նախարարությունում նշել են, որ տնկիների պահպանվածության միջին մակարդակը կազմում է 60-65 տոկոս։ Սրանից կարելի է եզրակացնել, որ «կպել է» մոտ 4 միլիոն տնկի։Տնկման աշխատանքներն իրականացվել էր Արագածոտնի, Գեղարքունիքի, Լոռու, Կոտայքի, Շիրակի, Սյունիքի, Վայոց Ձորի և Տավուշի մարզերի անտառային հողերում։Ըստ նախարարության՝ անտառտնկման գործընթացում հիմնական մարտահրավերներն են բնակլիմայական պայմանները, հողի որակը և ոռոգման հնարավորությունների սահմանափակությունը:Հիշեցնենք, որ 2019 թվականին Հայաստանի վարչապետ Նիկոլ Փաշինյանը Լոռու մարզ իր այցի ժամանակ հայտարարել էր 10 միլիոն ծառ տնկելու ֆլեշմոբի մեկնարկի մասին։ Ըստ նախագծի՝ ծառերը պետք է տնկվեին մինչև 2020 թվականի հոկտեմբերի 10-ը ողջ Հայաստանում։ 2020 թվականին շրջակա միջավայրի նախարարի պաշտոնակատար Վահե Ջիլավյանը հայտարարել էր, որ 10 միլիոն ծառ տնկելու նախագիծը տեղափոխվել է 2021 թվական։
2026
Լուրեր
am_HY
https://cdn.am.sputniknews.ru/img/07e7/04/08/57878146_180:0:1620:1080_1920x0_80_0_0_b0e81d93ce95b9076a6c138d6d8ac4a7.jpg.webp
ծառատունկ, հայաստան, տնկի
ծառատունկ, հայաստան, տնկի
2019 թվականին մտահղացված ծառատունկն այդպես էլ տեղի չունեցավ։
ԵՐԵՎԱՆ, 12 մայիսի – Sputnik. 10 միլիոն ծառ տնկելու ՀՀ իշխանությունների հավակնոտ նախագիծը փաստացի փոխարինվել է. դրա փոխարեն իրականացվում է տնկիների ծրագիրը։
Շրջակա միջավայրի նախարարությունից Sputnik Արմենիային հայտնել են, որ վերջին վեց տարվա ընթացքում հանրապետության ութ մարզերում տնկվել է գրեթե 6 միլիոն տնկի։ Այստեղ հստակեցրել են, որ դրանց տնկումը կապված չէ 2020 թվականի հոկտեմբերի 10-ին 10 միլիոն ծառ տնկելու լայնածավալ նախաձեռնության հետ։
Նախարարությունից նշել են, որ 10 միլիոն ծառի տնկման ծրագիրը չի իրականացվել նախատեսված ձևաչափով՝ 44-օրյա պատերազմի և կորոնավիրուսային համավարակի պատճառով։
Միևնույն ժամանակ, 2019-ից 2025 թվականներին նախարարության ենթակայության տակ գտնվող «Հայանտառ» կազմակերպության կողմից տնկվել է շուրջ 5,938,071 տնկի։ Դրանցից մոտ 25,000-ը 2025 թվականին փոխանցվել են համայնքներին՝ կանաչապատման նպատակով։
Շրջակա միջավայրի նախարարությունում նշել են, որ տնկիների պահպանվածության միջին մակարդակը կազմում է 60-65 տոկոս։ Սրանից կարելի է եզրակացնել, որ «կպել է» մոտ 4 միլիոն տնկի։
Տնկման աշխատանքներն իրականացվել էր Արագածոտնի, Գեղարքունիքի, Լոռու, Կոտայքի, Շիրակի, Սյունիքի, Վայոց Ձորի և Տավուշի մարզերի անտառային հողերում։
Ըստ նախարարության՝ անտառտնկման գործընթացում հիմնական մարտահրավերներն են բնակլիմայական պայմանները, հողի որակը և ոռոգման հնարավորությունների սահմանափակությունը:
Նախարարության ենթակա կառույցներն իրականացնում են անտառային մշակաբույսերի ագրոտեխնիկական խնամք, խոտհունձ և տնկարկների լրացման աշխատանքներ։
Հիշեցնենք, որ 2019 թվականին Հայաստանի վարչապետ Նիկոլ Փաշինյանը Լոռու մարզ իր այցի ժամանակ հայտարարել էր 10 միլիոն ծառ տնկելու ֆլեշմոբի մեկնարկի մասին։ Ըստ նախագծի՝ ծառերը պետք է տնկվեին մինչև 2020 թվականի հոկտեմբերի 10-ը ողջ Հայաստանում։ 2020 թվականին շրջակա միջավայրի նախարարի պաշտոնակատար Վահե Ջիլավյանը հայտարարել էր, որ 10 միլիոն ծառ տնկելու նախագիծը տեղափոխվել է 2021 թվական։