Իրանի արտաքին գործերի նախարարությունը կանչել է Եվրամիության բոլոր երկրների դեսպաններին, ի պատասխան ԵՄ-ի կողմից Իսլամական հեղափոխության պահապանների կորպուսի (ԻՀՊԿ) ճանաչմանը որպես ահաբեկչական կազմակերպություն: ԱԳ նախարար Էսմայիլ Բաղային նշել է, որ այս քայլը միայն նվազագույն պատասխան է, և որ Իրանը պատրաստում է հետագա գործողությունների ցուցակ, որը կհայտարարվի առաջիկա օրերին:
Բաղայինը ընդգծել է, որ ԵՄ-ի որոշումը ռազմավարական սխալ է, որը վիրավորում է Իրանը: Նա նշել է, որ ԵՄ-ում անտեսել են ԻՀՊԿ-ի դերը «Իսլամական պետություն» ահաբեկչական խմբավորման դեմ պայքարում: Իրանի ԱԳ նախարարի խոսքով, եթե ԵՄ-ն ցանկանում է սիրաշահել ԱՄՆ-ին կամ Իսրայելին, ապա նրանք սխալ են հաշվարկել իրենց քայլերը:
Նշենք, որ հունվարի 29-ին ԵՄ դիվանագիտության ղեկավար Կայա Կալասը հայտարարել էր, որ ԵՄ արտաքին գործերի խորհուրդը ճանաչել է ԻՀՊԿ-ն որպես ահաբեկչական կազմակերպություն, ինչն առաջացրել է Իրանի կոշտ արձագանքը: