Բանակցությունների նպատակը ազգային շահերի պաշտպանությունն է։ Այս մասին X-ում գրել է Իրանի նախագահ Մասուդ Փեզեշքիանը։
«Մենք երբեք չենք խոնարհվի թշնամու առջև, իսկ ինչ վերաբերում է բանակցություններին, դա չի նշանակում հանձնվել կամ նահանջել։
Ավելի շուտ, նպատակը Իրանի ժողովրդի իրավունքների իրականացումն ու ազգային շահերի պաշտպանությունն է հեղինակավոր կերպով»,-գրել է Փեզեշքիանը։
Հիշեցնենք՝ Միացյալ Նահանգների և Իրանի միջև բանակցությունների նոր փուլը տեղի կունենա մայիսի 11-17-ի միջակայքում Պակիստանի մայրաքաղաք Իսլամաբադում։
Մինչ այս անցկացված բանակցություններն արդյունք չեն տվել։