Foreign Policy պարբերականը գրում է, որ, հակառակ արևմտյան վերլուծաբանների սպասումների, Իրանի քաղաքական համակարգը արտաքին ճնշման պայմաններում ցուցաբերում է համախմբվածության բարձր մակարդակ։
Հետազոտողները նշում են, որ փոխվել է Թեհրանում անցկացվող հանրային միջոցառումների բնույթը․ եթե նախկինում դրանք հիմնականում պետական նախաձեռնություններ էին, ապա այժմ նկատվում է քաղաքացիների կայուն և զանգվածային մասնակցություն, որը հաճախ համակարգվում է սոցիալական ցանցերի միջոցով։ Սա, ըստ գնահատականների, վկայում է այն մասին, որ իշխանություններին հաջողվել է կապ հաստատել հասարակության տարբեր շերտերի, այդ թվում՝ երիտասարդության հետ։
Հատուկ ուշադրություն է դարձվում նաև կրոնական խոսնակների՝ «մադեհների» դերին, որոնց ազդեցությունը զգալիորեն ընդլայնվել է՝ դուրս գալով ավանդական ծիսական շրջանակներից։ Նշվում է, որ նրանք ակտիվորեն ներգրավվում են հանրային դիսկուրսում և նպաստում հասարակության ներսում համախմբվածության ձևավորմանը։
Ըստ պարբերականի՝ այս գործոնները միասին ձևավորում են ներքին կայունության այնպիսի մակարդակ, որը դժվարացնում է արտաքին ճնշումների ազդեցությունը երկրի քաղաքական համակարգի վրա։