ՀՀ ֆինանսների նախարարի տեղակալ Ավագ Ավանեսյանը մասնակցել է Կովկասի և Կենտրոնական Ասիայի Շինարարության Ֆորում 2026-ի շրջանակներում կազմակերպված «Innovation, Technology and Nature-Based Solutions in Construction Projects» խորագրով պանելային քննարկմանը

Նախարարի տեղակալն անդրադարձել է պետություն-մասնավոր համագործակցության դերակատարմանը՝ որպես ոլորտի կայուն զարգացման հիմնասյուն, այնուհետև խոսել է պետական գնումների համակարգում իրականացվող բարեփոխումների մասին, որոնք միտված են ոչ միայն ընթացակարգերի թափանցիկության և արդյունավետության բարձրացմանը, այլև վստահելի և կանխատեսելի միջավայրի ձևավորմանը։ Անդրադարձ է կատարվել նաև արհեստական բանականության կիրառման հնարավորություններին՝ որպես ոլորտի արդիականացման և մրցունակության բարձրացման կարևոր գործոն։