Իրանը պատրաստվում է նոր օրենք ընդունել Հորմուզի նեղուցով անցման վերաբերյալ
Իրանը նախատեսում է օրենք ընդունել, որը կսահմանի Հորմուզի նեղուցով անցման նոր ընթացակարգեր։Այս մասին հայտարարել է խորհրդարանի ազգային անվտանգության և արտաքին քաղաքականության հանձնաժողովի անդամ Ալաեդդին Բորուջերդին։Նրա խոսքով՝ «Հորմուզի նեղուցի անվտանգության ծրագրի» իրավական և միջազգային ասպեկտները քննարկվել են մի շարք հանդիպումների ընթացքում։«Ծրագիրը խորհրդարանի բացումից անմիջապես հետո կընդունվի որպես պարտադիր օրենք և կուղարկվի կառավարությանը՝ իրականացման համար»,- նշել է նա։Բորուջերդին հայտնել է նաև, որ Իրանի Կենտրոնական բանկը արդեն բացել է չորս հատուկ հաշիվ՝ տարբեր արժույթներով՝ ռիալ, յուան, դոլար և եվրո։Նախատեսվում է, որ նեղուցով անցման վճարները սկզբնական փուլում կգանձվեն այդ արժույթներով, իսկ ապագայում՝ թվային ենթակառուցվածքի ներդրումից հետո, ամբողջությամբ կանցնեն ռիալով հաշվարկի։
Նոր կարգավորումները կարող են ազդել համաշխարհային նավթի և առևտրային փոխադրումների վրա, քանի որ Հորմուզի նեղուցը համարվում է կարևորագույն էներգետիկ ուղիներից մեկը։