Բաթումում շարունակվում է ծանրամարտի Եվրոպայի առաջնությունը։ Այսօր ցերեկվա մրցահերթում Հայաստանից պայքարի մեջ մտավ 94 կգ քաշային Արա Աղանյանը։ Պոկում վարժությունում մեր ծանրորդը կատարեց երեք գերվստահ մոտեցում՝ հաջորդաբար բարձրացնելով 167, 172 և 175 կգ կշռող ծանրաձողը և արժանացավ փոքր արծաթի։
Հրումում Աղանյանը կատարեց երկու հաջողված փորձ՝ գլխավերևում պահելով 200 և 206 կգ-ը, ինչը նրան բերեց փոքր բրոնզ։ Սակայն երկամարտի 381 կիլոգրամ արդյունքով Արա Աղանյանը երրորդ անգամ դարձավ Եվրոպայի առաջնության արծաթե մեդալակիր։
Աշոտ ՀԱԿՈԲՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Մեկնաբանություններ (0)