Pullman Living and Residences Yerevan-ը զբաղեցնում է շուրջ 20 հազար քմ տարածք, որի միայն 20 տոկոսն է կառուցապատված, իսկ մնացած մասը նախատեսված է կանաչ գոտիների եւ հանգստի ենթակառուցվածքների համար։ Նախագիծը գտնվում է շինարարության ակտիվ փուլում, եւ այս պահին արդեն կառուցվել է 15 վերգետնյա հարկ։
Արոն Լիբինսոնը
Լուսանկարը՝ Technotun
Վրաստանում եւ ԱՊՀ երկրներում Accor խմբի գործառնությունների գծով փոխնախագահ Արոն Լիբինսոնը համալիրի ապագա բնակիչներին եւ հյուրերին ծանոթացրեց Pullman բրենդի ստեղծման պատմությանը՝ նշելով, որ 19-րդ դարում Ջորջ Փուլմանը ստեղծեց լյուքս դասի վագոնի գաղափարը, որը ժամանակի ընթացքում դարձավ հարմարավետ ճանապարհորդության խորհրդանիշ։
«Pullman անվանումը մի ամբողջ դարաշրջան է ներկայացնում հյուրընկալության ոլորտում։ Accor խմբի համար Pullman-ը բացառիկ նշանակություն ունեցող բրենդ է՝ նույնիսկ այն պարագայում, երբ ընկերությունն ունի շուրջ քառասուն միջազգային ճանաչում ունեցող անուններ, այդ թվում Raffles-ը, Fairmont-ը եւ Երեւանում արդեն գործող ibis-ը։
Pullman-ն առանձնանում է իր պատմական ժառանգությամբ եւ ոլորտի զարգացման վրա ազդեցությամբ: Հպարտ եմ, որ Երեւանում կյանքի է կոչվում այս բացառիկ նախագիծը այս բրենդի ներքո, որը միավորում է հյուրանոցն ու բրենդավորված բնակարանները։ Այն սահմանում է բնակության եւ հյուրընկալության նոր չափանիշներ՝ թե՛ որակի, թե՛ ճարտարապետական լուծումների առումով»,– ասաց Արոն Լիբինսոնը:
Accor խմբի ներկայացուցիչը նաեւ շնորհակալություն հայտնեց նախագծի զարգացման գործընթացում ներգրավված թիմին՝ նշելով, որ այստեղ ձեւավորվում է քաղաքային նոր առանցք՝ տպավորիչ տեսարաններով․ «Նախագիծը մեծ հաջողություն կունենա, իսկ ներդրողները եւ բնակիչները կօգտվեն սեփականատերերի ակումբի եւ հատուկ արտոնությունների բոլոր հնարավորություններից»։
Նրա համոզմամբ՝ նման մասշտաբի նախագծերի ազդեցությունը մեծ է երկրի բիզնես մշակույթի եւ տնտեսության վրա։
«Բարձրակարգ բնակելի համալիրի եւ հյուրանոցային ենթակառուցվածքի համադրումը նպաստում է ճանապարհորդության եւ կյանքի որակի ընկալման փոփոխությանը՝ առաջարկելով միջազգային չափանիշներին համապատասխան ծառայություններ թե՛ գործարար, թե՛ զբոսաշրջային այցերի դեպքում։ Հայաստանում նման նախագծերը բարձրացնում են ճանապարհորդների ակնկալիքները եւ խթանում քաղաքային հյուրանոցային միջավայրի զարգացումը։ Պրեմիում սեգմենտը երկրում աստիճանաբար զարգանում է նոր որակական մակարդակով, որտեղ առաջնային է դառնում ոչ միայն գույքի սեփականությունը, այլեւ միջազգային համայնքին պատկանելու զգացողությունը՝ այն վերածելով կենսակերպի»,- նշեց Արոն Լիբինսոնը։
Միջոցառման ընթացքում ապագա բնակիչներին տրամադրվեցին Accor-ի հավատարմության ծրագրի Պլատինե կարգավիճակի քարտեր, որոնք ներառում են տարբեր արտոնություններ եւ համաշխարհային ճանապարհորդության հնարավորություններ: Ծրագրի շրջանակում սեփականատերերը ստանում են՝ Accor Live Limitless ծրագրի PLATINUM կարգավիճակ, VIP ամրագրման սպասարկում, որը աջակցում է ճանապարհորդությունների պլանավորմանը Accor խմբի հյուրանոցների եւ հանգստավայրերի գլոբալ ցանցում, սենյակի կարգի անվճար բարձրացում՝ աշխարհի ավելի քան 5700 հյուրանոցներում եւ հանգստավայրերում, 20% զեղչ լավագույն հասանելի սակագնից՝ ամբողջ աշխարհում մասնակից Accor հյուրանոցներում եւ հանգստավայրերում, տեղում տրամադրվող այլ առավելություններ եւ արտոնություններ։
Սա նշանակում է, որ Pullman Living and Residences Yerevan–ի բնակիչ դառնալը ենթադրում է ոչ միայն անշարժ գույքի ձեռքբերում, այլեւ մասնակիցը դառնալ Accor-ի միջազգային համայնքի:
Արփի Ջիլավյան