Բաժանորդագրվեք araratnews-ի տելեգրամ ալիքին։
Մադրիդի «Ռեալի» նախկին կիսապաշտպան Տոնի Կրոսը մեկնաբանել է իր հնարավոր վերադարձի վերաբերյալ շրջանառվող տեղեկությունները։
Ավելի վաղ իսպանական AS պարբերականը հայտնել էր, որ ղեկավարությունը ցանկանում է աշխարհի չեմպիոնին տեսնել ակումբի մարզական կառույցում։ Իսկ Onda Cero պորտալն ընդգծել էր, որ գերմանացին կարող է կապող օղակ դառնալ ակումբի ղեկավարության և ֆուտբոլիստների միջև։
«Այս մասին ոչինչ ասել չեմ կարող։ Չեմ ուզում ոչինչ ասել, քանի որ պարզապես ոչինչ չգիտեմ»,- ասել է Կրոսը։
Հիշեցնենք, որ լեգենդար կիսապաշտպանը մադրիդյան ակումբում խաղացել է 2014-ից մինչև 2024 թվականը։
Այդ ժամանակահատվածում Կրոսը Մադրիդի «Ռեալի» հետ հինգ անգամ նվաճել է Չեմպիոնների լիգայի գավաթը և չորս անգամ հռչակվել Իսպանիայի չեմպիոն։