Քաղաքականություն
16.04.2026 | 12:26
Ապրիլի 15-ին, Բուշերի ԱԷԿ-ի աշխատակիցների տարհանման հերթական փուլի ընթացքում, Իրանից Նուրդուզ/Ագարակ սահմանային անցակետով Հայաստան ժամանած Ռուսաստանի ևս 94 քաղաքացի մեկնել են հայրենիք։ Այս մասին հայտնել է ՀՀ-ում ՌԴ դեսպանատունը։
Նշվում է, որ Երևանից Մոսկվա հատուկ չվերթով, Ռուսաստանի քաղաքացիների հետ մեկտեղ, տարհանվել են նաև Բելառուսի քաղաքացիներ։
«Շնորհակալություն ենք հայտնում Հայաստանի Հանրապետության իշխանություններին՝ «Ռոսատոմ» պետական կորպորացիայի աշխատակիցների հարմարավետ տարանցումը կազմակերպելու գործում ցուցաբերած արձագանքի և աջակցության համար»,- ասվում է հայտարարության մեջ։
Թարգմանությունը՝ Էմմա Չոբանյանի