Լատվիայի դեսպանի հետ քննարկվել են տրանսպորտային ոլորտում համագործակցությանն առնչվող հարցեր

ՀՀ ՏԿԵ նախարարի տեղակալ Արմեն Սիմոնյանն ընդունել է ՀՀ-ում Լատվիայի Հանրապետության արտակարգ և լիազոր դեսպան Էդիտե Մեդնեին։ Այս մասին տեղեկացնում են ՀՀ տարածքային կառավարման և ենթակառուցվածքների նախարարությունից։

Նախարարի տեղակալը ողջունել է դեսպանին՝ կարևորելով Լատվիայի Հանրապետության հետ համագործակցությունը։

Հանդիպման ընթացքում կողմերը քննարկել են տրանսպորտային ոլորտում երկկողմ համագործակցությանն առնչվող մի շարք հարցեր։