«Կոնկրետ դրվագով հիմնավոր կասկածի բացակայության պայմաններում, այն էլ այն դեպքում, երբ հենց ինքը՝ մեղադրող դատախազ Դալլաքյանը բողոքարկում չի ներկայացրել, թույլ է տվել ի լուր ամբողջ հասարակության իր տեսաուղերձով կոպիտ կերպով ոտնահարել անմեղության կանխավարկածը: Ես ինքս մինչեւ դատական նիստը, այսինքն` վաղը մինչեւ 10:30-ը, խորհուրդ կտամ մեր հարգելի դատախազին ցուցաբերել քաղաքական արիություն եւ մինչեւ դատական նիստերի դահլիճ ներկայանալը ինքնաբացարկ հայտնել, չմտնել այսպիսի ապօրինությունների տակ , ինչպիսին սկսվել է 2025թ հունիսի 17-ին»,- Հակակոռուպցիոն դատարանի առջեւ կայացած ճեպազրույցում նշեց Սամվել Կարապետյանի փաստաբանական խմբի անդամ Լիանա Գասպարյանը:
Փաստաբանի խոսքով. «Սա 135 հատորանոց քրեական վարույթ չէ, այլ դատական իշխանության ղեկավարի կողմից վրեժխնդրություն է, վախի դրսեւրում : Այս ամենը աբսուրդի ժանրից է, որը մեր պրակտիկայում երբեւէ չի հանդիպել»: Լիանա Գասպարյանը հույս հայտնեց, որ իրենց միջնորդությունը առաջնահերթության կարգով կքննարկվի, նաեւ շեշտեց, որ պաշպանական կողմն ակնկալում է արդար որոշում:
Մանրամասն՝ տեսանյութում.
Գոհար ՀԱԿՈԲՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: