Ինչպես հայտնի է, ԱՄՆ նախագահ Դոնալդ Թրամփն այսօր Truth Social սոցիալական կայքում քննադատել էր Հռոմի պապ Լևոն XIV-ին և հրապարակել լուսանկար, որտեղ ինքը պատկերված էր որպես Հիսուս Քրիստոս:
Նա մասնավորապես գրել էր. «Ինձ պետք չէ մի Հռոմի պապ, որը կարծում է, թե Իրանի համար նորմալ է միջուկային զենք ունենալը»։
Քիչ առաջ հայտնի դարձավ, որ Դոնալդ Թրամփը ջնջել է նշյալ լուսանկարը, որում նա պատկերված էր Հիսուս Քրիստոսի կերպարով էր։
Սակայն հրապարակայնորեն Թրամփը հրաժարվել է ներողություն խնդրել Հռոմի պապից։
«Ես ներողություն չեմ խնդրի։ Պապ Լևոն չափազանց շատ բան խոսեց։ Ես կարծում եմ, որ Պապ Լևոն չափազանց մեղմ է հանցագործության նկատմամբ»,- լրագրողներին քիչ առաջ ասել է Սպիտակ տան ղեկավարը։
Նկատենք, որ այսօր ողջ օրը ԱՄՆ-ի նախագահը քննադատության է ենթարկվել Հռոմի պապի մասին թույլ տված հայտարարությունների համար, նրա գնահատականները «անընդունելի» են որակվել։
Թրամփի լուսանկարը՝ Al Jazeera-ի կայքից։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: