Նավթի գները բարձրացել են Իրանի նավահանգիստները շրջափակելու՝ Թրամփի որոշումից հետո

Երկուշաբթի նավթի գները կտրուկ աճել են այն բանից հետո, երբ ԱՄՆ նախագահ Դոնալդ Թրամփը հայտարարեց ռազմավարական նշանակություն ունեցող Հորմուզի նեղուցը լիովին փակելու մտադրության մասին, գրում է DW-ն։

Ամերիկյան WTI նավթի գինը բարձրացել է 8%-ով՝ հասնելով բարելի համար ավելի քան 104 դոլարի, մինչդեռ Brent նավթի գինը բարձրացել է 7%-ով՝ գերազանցելով 102 դոլարը։ Մինչ փետրվարի վերջին Իրանի դեմ պատերազմի սկսվելը նավթի գինը շուրջ 70 դոլար էր։

Հորմուզի նեղուցը կենսականորեն կարևոր նավագնացության ուղի է համաշխարհային էներգամատակարարման համար, որով տեղափոխվում է աշխարհի նավթի մոտավորապես մեկ հինգերորդը։

Fox News-ին տված հարցազրույցում Դոնալդ Թրամփը նշել է, որ նավթի և բենզինի գները կարող են բարձր մնալ՝ մինչև նոյեմբերին կայանալիք ԱՄՆ միջանկյալ ընտրությունները։

Ավելի վաղ Դոնալդ Թրամփը հայտարարել էր իրանական նավահանգիստների շրջափակման մասին՝ Իսլամաբադում բանակցությունների ձախողումից հետո։

Թարգմանությունը՝ Էմմա Չոբանյանի