Հյուսիսային Կորեայի առաջնորդ Կիմ Չեն Ընը Փհենյանում ընդունել է Չինաստանի արտգործնախարար Վան Իին։ Ըստ պաշտոնական հաղորդագրության՝ Պեկինը վերահաստատել է պատրաստակամությունը՝ խորացնելու երկկողմ գործակցությունը:
Վան Ին նշել է, որ Հյուսիսային Կորեան ուշագրավ նվաճումների է հասել՝ չնայած երկրին ճնշելու և մեկուսացնելու՝ Միացյալ Նահանգների ու արևմտյան ուժերի փորձերին:
Կիմն էլ նշել է, որ Փհենյանի և Պեկինի հարաբերությունները հասել են նոր մակարդակի:
Կողմերը պայմանավորվել են ամրապնդել ռազմավարական հաղորդակցությունն ու համակարգումը՝ հաշվի առնելով համաշխարհային զարգացումները, և համատեղ նպաստել տարածաշրջանային խաղաղությանը։